ترطيب الشعر الجاف Moisturizing Dry Hair

Moisturizing Dry Hair

ازيكم جميعا ☺☺

كتير جدا بيبعتلي على الخاص و بيسألوني

 -ليه شعري مش بيحتفظ بالترطيب ؟

-ليه مهما استخدم مرطبات على شعري بحس أن شعري مش مترطب؟

-ليه أما برطب شعري بلاحظ أن شعري بيقع؟

-ليه أما ارطب شعري بلاحظ أن شعري بيتقطع؟ 

أسئلة كتيرة و إجابتها أن شاء الله هنا👇👇   

مبدأيا لازم عشان نعرف إجابة الأسئلة ديه لازم الإجابة تكون مبني على كلام علمي 

عشان تعرفي ترطبي شعرك صح لازم تعرفي نوع مسامية شعرك 

لو عرفتي نوع مسامية شعرك هتعرف تختاري المنتجات المناسبة لشعرك و هتعرفي كمان ايه التكنيك اللي هتتبعيه في ترطيب شعرك....

ايه ده هي المسامية هتفرق كمان في الطريقة اللي هرطب بيها شعري!!!!!

ازاي الكلام ده ......

غلاف الشعر بينقسم إلى 3 أنواع

🌸🌸 compact cuticle ( low porosity )

 الشعر المنخفض المسامية غلاف الشعر الخارجي بيكون مقفول⬅⬅⬅ الشعر بيكون صعب الترطيب و دايما أما بنرطبه المرطبات بتفضل فوق سطح الشعراية و طالما الترطيب بيفضل فوق السطح هيفضل الشعر جاف عشان كده بنحتاج اننا نستخدم حرارة عشان نحاول نفتح الغلاف الخارجي و نقدر نوصل الترطيب 

🌸🌸 normal cuticle (normal porosity )

  الشعر العادي أو المتوسط المسامية غلاف الشعر الخارجي بيكون فيه مسامات تسمح بوصول الترطيب

🌸🌸 raised cuticle  (high porosity )

الشعر العالي المسامية غلاف الشعر الخارجي بيكون مفتوح ⬅⬅⬅ الشعر بيكون سهل الترطيب بيترطب بسهولة لكن باردو بيفقد الترطيب بسهولة عشان كده بنحتاج بعد أما نرطبه نستخدم sealent (زيت أو سيرم) عشان يغلف الشعراية و الشعر ميفقدش الترطيب

عرفتوا ليه موضوع المسامية مهم في ترطيب الشعر 

المسامية علم مش افتكاسة أو موضة زي بعض الناس ما فاكرة ارجعوا للصورة الموجودة في الموضوع هتوضح الفكرة اكتر 

كل انواع الشعر محتاجة ترطيب لكن غالبا أما بنقول  شعر جاف يبقى بنتكلم عن الشعر منخفض المسامية

الخطوات الجاية ديه مهمة جدا لأي حد شعره منخفض المسامية و اوعدكم أنكم مرة بعد التانية هتلاحظوا فرق في ترطيب الشعر 

1_ لازم تستخدمي شامبو منقي ( clarifing shampoo )

كل فترة عشان تزيلي أي رواسب ( build up ) موجودة على شعرك 

 الرواسب ديه بتيجي من السيلكون و البروتينات اللي موجودة في المنتجات اللي بتستخدميها زي الليف أن و بديل الزيت و الكونديشنر و الماسك

أشهر أنواع ال clarifing shampoo في مصر 

GK  hair ph+ clarifing shampoo

 طبعا الشامبو ده غالي فيه بديل ليه طبيعي

ال baking soda أو البيكربونات 

الطريقة 👇👇

🌸🌸 معلقة من البيكربونات + كوب ماية دافيه 

تدوبي البيكربونات كويس في الماية و تبدأ ببخاخة توزعيها على فروة الرأس و على الشعر و تدلكي تدليك بسيط و تسيبيه من دقيقتين لتلاتة و بعدين تشطفي شعرك 

⬅ لو شعرك مش نضيف اوي ممكن قبل أما تشطفي شعرك تاخدي شوية شامبو و تدلكي شعرك و فروة رأسك و بعدين تشطفي 

عشان نوازن ال  PH بتاع الشعر و فروة الرأس 

بنجيب تلت كوب خل تفاح و نكمل التلتين ماية دافية و ممكن لو حابة تضيفي كام نقطة من زيت النعناع أو الروزماري  (  كويس عشان القشرة و تعزيز نمو الشعر ده غير إحساس الانتعاش) 

و باردو بتوزعيه على شعرك و فروة الرأس و تسيبيه كام دقيقة و تشطفي بماية باردة 

2_ دايما أما تيجي تغسلي شعرك اغسليه بماية دافية عشان تساعد على فتح الغلاف الخارجي 

3_ قبل أما تستخدمي البلسم أو الماسك حاولي انك تنشفي شعرك بأي حاجة قطن عشان تتخلصي من الماية الزيادة و بعدين تحطي البلسم  أو الماسك 

4_اما تستخدمي الماسك استخدمي معاه حرارة زي انك تلبسي شاور كاب و تمشي بالسيشوار من برا أو أنك تستخدمي البروكاب  ( عشان تساعد على فتح الجدار الخارجي للشعراية ) مدة استخدامك الماسك متزدشي عن (20_30) دقيقة  

☝☝النقطة ديه غير مناسبة تماما للشعر مرتفع المسامية 

5_ اشطفي شعرك بماية باردة 

6_ استخدمي دايما الزيوت الخفيفة زي الارجان و الجوجوبا و بذور العنب و ابعدي عن الزيوت التقيلة زي الافوكادو و جوزالهند و الزيتون

7_ رطبي شعرك ب الليف أن أو بديل الزيت و هو شعرك مبلل بنسبة 30 % 

8_ ركزي دايما على المنتجات الخالية من السيلكون و اللي فيها نسبة بروتين قليلة عشان متقفلش جدار الشعر زيادة 

🌸🌸 الشعر العالي المسامية محتاج هو كمان ترطيب لكن لازم أما نختار المرطبات ليه بنختار مرطبات بتحتوي على كيراتين و بروتين عشان ترمم الشعرايه و في نفس الوقت ترطبها   

🌞🌞 ديه كده النقط الأساسية المهمة في ترطيب الشعر الجاف ( المنخفض المسامية) 

فيه طريقتين انتشروا من فترة و ممتازين جدا في ترطيب الشعر الجاف

أول طريقة هي 

🌸🌸 The baggy method   

الطريقة ديه بتتعمل على شعر نضيف 

و بتتعمل بطريقتين يأما على أطراف الشعر ( ديل الحصان) يأما على كل شعرك

كل اللي بتعمليه انك بتوزعي المرطب بتاعك سواء ليف أن أو بديل الزيت  على شعرك و بعدين بتغلفي شعرك بكيس أو plastic wrap و بتسبيه عليه من 3 إلى 4 ساعات فيه ناس بتسيبه طول الليل بس( انا بفضل من 3 إلى 4 ساعات) و بعد الأربع ساعات دول اول أما تفكي شعرك بتستخدمي sealent (زيت أو سيرم)  

الطريقة ديه مناسبة تماما للشعر منخفض المسامية 

تغليف الشعر بالي بيساعد على فتح الغلاف الخارجي للشعراية و بالتالي وصول الترطيب للداخل 

تاني طريقة للترطيب

🌸🌸 LOC Method 

الطريقة ديه بتعتمد على 3 مكونات 

L➡ liquid 

و مقصود بيها أن أول مكون هستخدمه على شعري هو الماء أو ممكن تستخدمي ليف أن يكون الأساس بتاع ماء او الوفيرا جل

O➡ oil

مقصود أن تاني مكون هستخدمه هو زيت و مش شرط نوع زيت معين كل واحد يستخدم النوع اللي بيريحه فايدة الزيت بيقفل على الماية 

C➡ cream

مقصود أن تالت مكون هستخدمه هو كريم و فايدته انه يقفل على الزيت و الماء 

الطريقة ديه فعالة جدا بعد غسيل الشعر و مناسبة اكتر ل فصل الشتاء 

🌼🌼 طبعا مش هينفع اكلمكم عن الترطيب و مش اقولكم على اكتر منتجات فرقت في ترطيب الشعر👇👇

🌸🌸 Phytojoba mask

ماسك فايتوجوبا  ( اكتر ماسك ترطيب ناسب شعري المنخفض المسامية)

السعر ....في الصيدليات في حدود 230 ج 

جبته من سوق.كوم في البلاك فرايدي ب 157 ج 

الحجم ...200 ملل

الماسك يحتوي على 

🌻Angelica archangelica seed extract ☺☺

مستخلص نبات انجليكا و ده نبات عطري مرطب قوي و معالج في نفس الوقت موطنه الاصلي سوريا

غني بمضادات اكسدة زي فيتامين e  و يحتوي على فيتامين b1, b2 , b12 فيه معادن زي الحديد و الماغنسيوم و إنك و بوتاسيوم و ده اكبر مكون في الماسك و تركيزه 73%

 المكون ده بيعمل ترطيب و تغذية في نفس الوقت 

🌻 cetearyl alcohol 

نوع من الكحولات الدهنية اللي بتضيف للشعر نعومة و انسيابية ( لأنه مستخلص يأما من حيوانات أو نباتات أو زيوت)

🌻 water

 الأساس في الترطيب

🌻 cetyl alcohol

محول دهنية فايدته نفس فايدة Cetearyl alcohol 

🌻cetrimonium chloride 

ده عامل مساعد في الترطيب يستخدم لمنع تكوين رواسب على الشعر و بيلي الشعر رائحته كويسة عن طريق منع نمو الميكروبات

🌻 dipalmitoylethyl hydroxyethylmonium  methosulfate    

المكون ده مش سلفات و امن جدا في الاستخدام لأنه 100% مصدره نباتي و يستخدم في الترطيب

🌻 jojoba oil

طبعا زيت الجوجوبا تركيبه يشبه ( sebum )  الزيوت الطبيعية اللي بتفرزها البشرة و فروة الرأس 

غني بفيتامين e مضادات اكسدة ، fatty acids , omega 6, 9 

طبعا ده مرطب و مغذي للشعر 

الماسك silicon and paraben free

🌸🌸 ممكن اقولكم أن الماسك ده من أحلى ماسكات الترطيب اللي تناسب الشعر الجاف المنخفض المسامية 

ما شاء تلاحظي بعد استخدامه نعومة نعومة انسيابية في الشعر 👍👍

بديل مناسب ليه ماسك lovea و ماسك karites 

تاني منتج معانا 

🌸🌸 Marvel cream

كريم مارفيل 

السعر ...70 ج

الحجم ...100 مللي 

   غني بفيتامين e و فيتامين b5 و fatty acid و panthenol 

مناسب للاستخدام  اليومي و مناسب للاستخدام ك ماسك مرتين أسبوعين

🌸🌸 الكريم ده من أحلى الكريمات اللي ممكن تستخدميها في ترطيب الشعر بيطري الشعر جدا و بيخليه لامع و فيه انسيابية      #شجع_المنتج_المصري

بالنسبة للمنتجين الجايين الناس اللي بيستخدموا شامبوهات sulphate free يمتنعون لأن المنتجات ديه تحتوي على سيلكون  (على فكرة السيلكون في في حد ذاته مش مضر لكن الاستخدام الخاطئ ليه أو استخدامه لفترة طويلة هو الغلط لأنه هيكون السبب في تكوين build up أو رواسب على الشعر فيبتدي يجف )

  🌸🌸 One 'n only aran oil 

السعر ...420 ج

الحجم ..250 مللي

ده زيت أساسه سيلكوني يعني اول مكوناته سيلكون و زيت الارجان يعتبر من أول 5 مكونات فيه 

🌻الاويل ده مناسب تماما للشعر عالي المسامية 

🌻الاويل ده مش بيرطب الشعر لكن بيحافظ على ترطيب الشعر بأنه بيقول بتغليف الشعر من برا فبيخلي الشعر يحافظ على الترطيب و يخلي الشعر ناعم و بيحسن من ملمسه و شكله في نفس الوقت يحميه من الرطوبة 

🌻الاويل ده بيساعد جدا في القضاء على الهيشان و بيخليه الشعر يحتفظ بالترطيب اكتر وقت ممكن

🌻البراند ديه انا استعملت منها الليف أن و باردو ترطيبه ممتاااااااز ما شاء الله 

رابع و آخر منتج هكلمكم عنه 

🌸🌸 Aussie 3 minute miracle moist

ماسك اوسي

سعر.. في حدود 220 

حجمه ..236 مللي

مكوناته

   WATER, STEARYL ALCOHOL, CYCLOPENTASILOXANE, CETYL ALCOHOL, STEARAMIDOPROPYL DIMETHYLAMINE, DIMETHICONE, FRAGRANCE, ALOE BARBADENSIS LEAF EXTRACT,  JOJOBA SEED OIL

🌻الماسك ده من أحلى و أشهر الماسكات في الترطيب 

بيدي للشعر ترطيب عالي و انسيابية  و نعومة 👍👍

بيستخدم بعد الشامبو بتتوزعيه و بتسبيه من دقيقتين إلى إلى دقايق و يتشطف الشعر بعدها بماء بارد

🌼🌼ده الجروب اللي جبت منه الماسك👇👇

https://m.facebook.com/groups/155366798292454?tsid=0.9220228139311075&source=typeahead

طبعا المنتجات اللي اتكلم عنها ديه نتيجتها تختلف من الشخص للتاني عشان كده أنصحكم لو فكرتم تجربة حاجة منها شوفي ريفيوهات تانية و اقري عنها اكتر 

انا كده خلصت لو فيه أي نقطة مش واضحة اسألوا و انا معاكم اشوفكم على خير بحبكم في الله 😘😘