The Balm Balm Shalter tinted moisturizer ( BB Cream ) VS it COSMETICS CC Cream

ازيكم يا بنات النهاردة حابة اكلمكم عن منتجين من منتجات الهاي اند استخدمتهم الفترة اللي فاتت هم .....

The Balm Balm Shalter tinted moisturizer**

  +it COSMETICS CC**  

الأول حابة أقولكم بسرعة الفرق بين ال BB cream و ال CC cream
*يعني ايه BB cream ؟
يعني كريم بيدي ترطيب + تغطية + حماية من الشمس.

*يعني ايه CC cream ؟
يعني كريم بيدي ترطيب + تغطية + تصحيح للتصبغات + حماية من الشمس

* غالبا ال CC cream بيكون التغطية بتاعته أعلى من ال BB cream

اولا : The Balm BB Cream

السعر 25 $ ( انا كنت جيباه في sale بنص التمن من الويب سايت بتاع ذا بالم و طبعا ده كان عن طريق سيلر)

الحجم ml 64 (حجمه كبير )

ال SPF 18 

متوفر فيه 7 shades ( بالنسبة للدرجة بتاعتي هي light مناسبة للبشرة القمحية)

درجة light  ترتيبها تاني درجة بين درجات ال بي بي

*انا بوزعه بأيدي و بعدين اطبطب عليه بالاسبونج بتاع ريال تكنيك

عامة انا من الناس اللي بتحب يبان اللوك بتاعها طبيعي و ده قدر يوفرهولي ذا بالم بي بي بالنسبة للفينيش بتاعه مات طبيعي ( اقصد لوك طبيعي خالي من اللمعة)

*التغطية من خفيفة الى متوسطة و لكن هو buildable ( ممكن تستخدمي اكتر من طبقة )

*مناسب لجميع انواع البشرة خصوصا المختلطة 

*محسيتش انه محتاج ترطيب قبل استخدامه 

*زي اي صن سكرين محتاج يتجدد كل ساعتين 

 it COSMETICS CC color correcting full coverage cream

السعر 38 $ ( جبت منه الحجم الصغير 15 ml بسعر 16 $ على سبيل التجربة )

الحجم 50 ml 

ال +SPF 50 ( يحتوي على عامل حماية فيزيائي يعني فكرته معتمدة على عكس و منع الأشعة فوق البنفسجية )

متوفر منه 7 shades ( الدرجة بتاعتي medium  ترتيبها تالت درجة ما بين الدرجات بالنسبة لدرجة  medium  فهي تعتبر اغمق شوية بسيطة على درجتي القمحية)

* بوزع ال سي سي كريم من  it cosmetics  بال بافينج برش من ريال تكنيك لاني حسيت انها الأنسب في الاستخدام 

*بالنسبة للتغطية  .... لاحظت ان التغطية من متوسطة ل كاملة ( بصراحة التغطية تميل انه فاونديشن اكتر منه سي سي كريم ) كمان الكريم  buildable ( تقدري تعملي اكتر من طبقة )

* بالنسبة للفينيش بتاع it cosmetics CC  فينيش طبيعي فيه جلو سنة بسيطة ( ممكن نقول dewy look)

*مناسب للبشرة الدهنية المختلطة و لو حد بشرته جافة حابب انه يستخدمه لازم يرطب كويس قبل استخدامه 

*محتاج انه يتجدد كل ساعتين زي اي صن سكرين لتجديد الحماية

ده سواتش لل it cosmetics cc  و the balm bb

بالنسبة لأيه اللي عجبني اكتر

انا حبيت الاتنين بس انا عجبني اكتر it cosmetics cc  عشان حبيت اللوك بتاعه و التغطية الاعلى اللي بتبان في نفس الوقت طبيعية و بتدي حياة للبشرة خصوصا لو البشرة مرهقة و تعبانة ده غير ثباته على البشرة بيدوم لفترة طويلة ممكن توصل من 5 الى 6 ساعات حسيت انه مناسب بالنسبة ليه لفصل الشتاء

ذا بالم بي بي باردو كويس و مناسب لفترة الصيف حجمه كويس جدا و سعره مناسب خصوصا لو في سيل و جبتيه بنص التمن 

يا رب  الريفيو بتاعي يكون عجبكم و اي سؤال او استفسار انا معاكم