أيديليا لايف سيرم من فيشي IDEALIA LIFE SERUM

IDEALIA LIFE SERUM

ازيكم يا بنات النهاردة هكلمكم عن تجربتي مع سيرم ايديليا من فيشي . بصراحة انا غالبا قبل اما اشتري اي منتج سواء لبشرتي او شعري لازم اشوف مكوناته بس اللي شجعني اني اجرب سيرم فيشي الريفيوهات اللي قرأتها عنه و الكلام اللي سمعته عليه 

هقولكم انا قرأت عنه ايه تحديدا و ايه اللي شجعني اني اشتريه و ايه النتايج اللي لاحظتها من استخدامه

اولا بالنسبة لسعره فهو متوسط بالنسبة لأسعار منتجات التجميل حاليا الموجودة في الماركت كان تقريبا في حدود 300 ج

سيرم ايديليا هو تصحيح لجميع عوامل البشرة من حيث اللون , الملمس , تجاعيد

**اهم مكونات السيرم

السيرم  بيحتوي على تركيبة ( LR2412+LHA)  

التركيبة ديه حائزة على  27 براءة اختراع و ليه القدرة على تصحيح مشاكل البشرة 

*LR2412 من مشتقاات jasmonic acid بيساعد البشرة البهتانة على استعادة حيويتها و نضارتها و مقاومة علامات تقدم السن 

*LHR و هو اختصار Lipo Hydroxy Acid  مشتق من حمض السالسيلك اهميته تجديد خلايا البشرة والتخلص من خلايا الجلد الميتة و تنقية مسام البشرة و تقليل البقع عن طريق تقشير خفيف للبشرة وظيفته بصفة عامة تحسين مظهر البشرة 

السيرم مناسب لجمع انواع البشرة حتى البشرة الحساسة 

سيرم ايديليا يستهدف البشرة المرهقة البهتانة او المعرضة للتلوث او التدخين

السيرم خالي من الباربين

السيرم ممكن تستخدميه تحت المرطب بتاعك او تستخدميه لوحده 

بالنسبة لنتيجة استخدامي لسيرم ايديليا 

مبدأيا انا بشرتي مختلطة تميل انها تكون بشرة عادية

هو قوامه زي اللوشن الخفيف لونه روز فاتح فيه سباركلز و اقصد بيها لمعة خفيفة 

من اول استخدام ليه لاحظت انه البشرة بتمتصه بسرعة و بيدي مظهر صحي للبشرة و ده راجع للسباركلز الموجودة فيه

مع الوقت لاحظت فعلا انه بيدي نضارة خفيفة للبشرة و البشرة شكلها صحي اكتر لكن بصراحة محستش انه نتج من استخدامه اي تفتيح للبشرة 

من اخر سيرم ايديليا مناسب جدا للبنات اللي محتاجة سيرم بسعر مناسب للنضارة من غير تفتيح و مالوش اي تأثير على تجاعيد البشرة 

و كده خلص الريفيو بتاعي عن سيرم ايديليا من فيشي و اي استفسار انا معاكم